பேரன்புமிக்க ஆசிரியப் பெருந்தகையீர்,
அன்புசால் வணக்கம்..
இயல், இசை, கூத்து என்ற முத்தமிழோடு திரை அரங்கில் தமிழ் வளர்க்கும் தமிழ்த் தொண்டர், நடிப்பின் மூலம் மனித சமுதாயத்தைச் சீர்திதிருத்தம் செய்திடும் செம்மல், தாயகத்தின் துயர் துடைக்க தளராது பணியாற்றும் தூயோன், ஏழை எளியவர்களுக்கு மாரி என வாரி வழங்கும் வள்ளல், புரட்சி நடிகர். மக்கள் திலகம் திரு எம் ஜி இராமச்சந்திரன் அவர்களைச் சிறப்பாசிரியராகக் கொண்டு, சமன் செய்து சீர்தூக்கும் கோல் போல் நடுநிலை நின்று வழுவாது பணியாற்றும் தங்களு டைய ‘சமநீதி' வார இதழ், அமிழ்தினும் இனிய அன்னைத் தமிழிற்கு அரும்பணியாற்றும் மாண்புமிகு தமிழக. முதலமைச்சர் அறிஞர் பெருந்தகை அண்ணா அவர்களின் பிறந்த நாளான செப்டம்பர் 15-ம் நாளன்று அரியதோர் மலர் படைத்திட இருப்பதை அறிய பெரு மகிழ்ச்சி கொள்கிறேன்.
உங்களிடையிலே காணும் உணர்ச்சியையும, ஊக்கத்தையும், உழைப்பினையும் பண்பினையும் மிக மிகப் பாராட்டுகின்றேன்.
100-வது திரைப்பட நிறைவு மலர் வெற்றியுடன் திகழ வேண்டும்: ரசிகர்களின் அழகு நிறைந்த கட்டுரைகள் மிளிரவேண்டும்; அறிஞர் பெருமக்களாலும், ஆசிரியர்களாலும். மற்றவர்களாலும் அவைகள் பாராட்டப் பெறவேண்டும்; இதுவே என்னுடைய ஆசை.
Comments
Post a Comment